Close

Results 1 to 3 of 3
  1. #1
    Moderator
    Join Date
    Apr 2015
    Posts
    1,067
    Rep Power
    5
    Likes Received
    21
    Likes Given
    0

    Mashahidi wa Makonda dhidi ya Kubenea wazidi kubanwa mahakamani kesi ya ahirishwa

    Mratibu Msaidizi wa Jeshi la Polisi, ASP Denis Mujumba, 39 ameieleza Mahakama ya Hakimu Mkazi Kisutu kuwa akiwa Mkuu wa Upelelezi Magomeni alimsikia Mbunge wa Jimbo la Ubungo Saed Kubenea akimwambia Mkuu wa Wilaya ya Kinondoni, Paul Makonda kuwa DC gani kibaka, mjinga, mpumbavu na cheo chenyewe kapewa.



    ASP Mujumba aliyasema hayo* jana mbele ya Hakimu Mkazi, Thomas Simba wakati akitoa ushahidi wake katika kesi ya kutoa lugha chafu inayomkabili Kubenea dhidi ya Mkuu wa huyo wa Wilaya.

    Akiongozwa na Wakili wa Serikali Mwandamizi, Kishenyi Mutalemwa, Mujumba alidai kuwa baada ya Kubenea kuyatoa maneno hayo huku akionekana mwenye hasira, Makonda akiwa amesimama alishangaa, akakunja mikono yake na akawa anamsogelea Kubenea.

    “Nikaona watarushiana ngumi, nikamsihi Mkuu wa Wilaya Makonda aondoke wakati huo watu walianza kushangilia huku wengine wakisikitika,” alidai shahidi huyo wa tatu wa upande wa mashtaka.

    Alidai kuwa alimgeukia Kubenea na kumwambia kitendo alichofanya cha kutoa matamshi hayo ametenda kosa la jinai, akamkamata na kumpeleka kituo cha polisi Magomeni kwa mahojiano.

    Baada ya kutoa ushahidi huo, Wakili wa Kubenea, Peter Kibatala alimuuliza shahidi huyo kuwa ilikuwaje hadi Kubenea akayatamka maneno hayo.

    Akijibu swali hilo, Mujumba alidai kuwa ni baada ya Makonda kumnyima nafasi Kubenea ya kuzungumza na wafanyakazi waliokuwa katika mgomo kwenye Kiwanda cha Tooku Garments Co. Limited.*

    Pia Wakili Kibatala aliuliza kwamba siku hiyo kulikuwepo na waandishi lakini alipataje picha za video na sauti kutoka kwa waandishi wa habari?

    Mujumba: Ni kweli kulikuwepo na waandishi na kwamba niliwasiliana na waandishi hao ili wanipe ushahidi wa picha, sauti au video. Waandishi walinijibu kuwa hawana ushahidi huo.

    Kibatala: je ulikwenda na askari wangapi?

    Mujumba: nilikwenda na askari wanane au tisa.

    Kibatala: wataje majina

    Mujumba: Ni Sajenti Peter, PC Hamis, Joachim na Doel.

    Kibatala: Shahidi hajui askari wake kwani anajua jina moja tu la mwanzo na hajataja wote.

    Maswali haya yalisababisha Mjumba kukunja sura na kutoa sauti ya juu huku akitaka kubishana, Hakimu Simba alimtaka aache kubishana

    Wakili Kibatala kwa kutumia sheria Namba 155(a) aliiomba mahakama kuonesha picha za ushahidi zilizokuwa zianonesha hali halisi ya tukio.

    Wakili huyo aliinesha mahakama picha ambazo zilionesha kuwepo kwa askari walioshika bunduki na kumzingira Kubena, kwenye picha hiyo Mujumba hakuwemo.

    Hapo awali Mujumba aliieleza mahakama kwamba yeye ndiye aliyemsihi Kubenea aende naye kwenye Kituo cha Polisi Magomeni, hivyo Wakili Kibatala aliongeza kuwa, kwa kutokuwepo kwenye picha ile Mujumba alitoa maelezo ya uongo.*

    Hakimu Mkazi hata hivyo, baada ya shahidi huyo kutoa ushahidi wake, Hakimu Simba alihairisha kesi hiyo hadi tarehe 15 na 16 Aprili mwaka huu.
    hakikisha hupitwi na habari

  2. #2
    Senior Member mahakama ya kadhi's Avatar
    Join Date
    Jan 2014
    Posts
    993
    Rep Power
    5
    Likes Received
    31
    Likes Given
    31

    Re: Mashahidi wa Makonda dhidi ya Kubenea wazidi kubanwa mahakamani kesi ya ahirishw

    watu kama kubenea mimi ningekuwa askari halafu nimebeba siraha basi habari yake ingeisha maana watu kama kubenea hawana faida kwa jamii zaidi ya uzushi na uongo anaofanya.

  3. #3
    Senior Member
    Join Date
    Aug 2015
    Posts
    2,802
    Rep Power
    6
    Likes Received
    89
    Likes Given
    66

    Re: Mashahidi wa Makonda dhidi ya Kubenea wazidi kubanwa mahakamani kesi ya ahirishw

    Mahakama ya kadhi watu kama kikwete, chenge na tibaijuka kama mimi ningekuwa askari basi ningeshawapiga risasi kwa sababu wameifanya inchi kama shamba la bibi

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •